ТҰРҒЫН ҮЙ-КОММУНАЛДЫҚ ШАРУАШЫЛЫҚ

ТҰРҒЫН ҮЙ-КОММУНАЛДЫҚ ШАРУАШЫЛЫҚ

Бүгінгі таңда аудан аумағындағы 42 елді мекеннің 41 елді мекені орталықтандырылған ауыз су желілері арқылы ауыз сумен қамтамасыз етілген. 1 елді мекен құдық суын пайдалануда (Құтарыс а/о, Қызылжар ауылы). 24 сағат ауыз сумен 5 елді мекен қамтамасыз етілмеген.

       Ауыз сумен қамтамасыз ету құрылыстарына 2016 жылға жалпы 10,600 млн.теңге, атап айтқанда Манкент ауылын сумен жабдықтау жүйелері құрылысна ЖСҚ дайындауға 2015 жылы 12,0 млн теңге қаралып, 11,400 млн. теңге игеріліп 2016 жылы 0,600 млн. теңге қалдығы игерілді және Қарабұлақ ауылдарындағы сумен жабдықтау жүйелері құрылысына ЖСҚ дайындауға 2016 жылы 10,0 млн. теңге қаралды жалпы сомасы 34,480 млн теңге келесі жылға өтпелі.

Арыс а/о Нұржанқорған, Қожақорған ауылы құбырлары ескі жарамсыз қайта құру жұмыстарын қажет етіп отыр, 2015 жылы жерасты су қорын зерттеуге ұсыныс берілді, қорытынды алынған соң, жобалау сметалық құжаттарын дайындауға қаржы қарастыруға ұсыныс беріледі.

Құтарыс а/о қарасты, Қызылжар елді мекені тұрғындарын ауыз сумен қамтамасыз ету үшін,  2015 жылы жерасты су қорын зерттеуге ұсыныс берілді, қорытынды алынған соң, жобалау сметалық құжаттарын дайындауға қаржы қарастыруға ұсыныс беріледі.

Қазіргі таңда 203,302 мың тұрғын таза ауыз сумен қамтамасыз етіліп, қамту 99,8 пайызды құрап отыр.

Табиғи газбен қамтамасыз ету

Бүгінгі таңға Сайрам ауданы бойынша 42 елді мекен болатын болса, оның ішінде 18 елді мекені газбен қамтылған, 1(Қарабұлақ ауылдық округі) елді мекені ағымдағы жылы толық қамтамасыз етіледі, 5 елді мекенді (Көлкент ауылдық округінің Пахтазарибдар(Қосбұлақ), Ханқорған, Жаңатұрмыс, Оразалиев, Теспе елді мекендері) газбен қамтамасыз ету мақсатында жобалау-сметалық құжаттары әзірленуде, 7 елді мекенінің ЖСҚ дайын (Қайнарбұлақ ауылдық округі Қасымбек датқа, Шіркін, Құрлық, Әсіларық, Ошақты, Арыс а/о Нұржанқорған Қожақорған). Қалған 11 елді мекенге газ құбырларын жүргізу үшін жобалау-сметалық құжаттарын әзірлеу қажет.

Тиісті қаражат уақытылы қаралғанда Сайрам ауданының барлық елді мекендерін табиғи газбен қамтамасыз ету мәселесі толығымен шешіледі.

Сайрам ауданының  квартал ішіндегі  тарату газ өткізгіш жүйелерінің құрылысына Қарабұлақ ауылының ішкі кварталдық газ таратушы жүйесіне 420,458 млн.теңге қаралып, 280,0 млн.теңгесі игерілді.

Сондай-ақ, Сайрам ауданы Көлкент ауылдық округінің Пахтазарибдар(Қосбұлақ), Ханқорған, Жаңатұрмыс, Оразалиев, Теспе елді мекендерін газбен қамтамасыз ету құрылыстарының ЖСҚ әзірлеуге 19,221 млн.теңге қаралып, қазіргі таңда ЖСҚ әзірлеу үстінде. «Бейнеу-Шымкент» магистральді газ өткізгішінің Түлкібас ауданындағы 1420 шақырымынан, Сайрам ауданына қарасты Арыс ауыл округі аумағындағы №20 «Жаңақоғам» АГТС (автоматтық газды тарату станциясы) құрылысы және №20 «Жаңақоғам» АГТС құрылысынан Қарабұлақ елді мекені арқылы Көмешбұлақ елді мекеніне дейінгі жеткізуші газөткізгіш құбырының құрылыс» нысаны бойынша метрологиялық жұмыстарына 20,0 млн. қаржы қаралып, жұмыстар жүргізілуде.

Электрмен қамтамасыз ету нысандары бойынша Әйтеке би ауылы Жаңақұрылыс көшелеріне 2 дана трансформатор орнатуға құжаттар дайындалуда. Аудан аумағы электр желілерімен толық қамтылғанына байланысты барлық жаңғырту және құрылыс жұмыстары "Оңтүстік Жарық Транзит" ЖШС-нің инвест бағдарламасы арқылы асырылуда.

ЖАРИЯЛАНҒАН: 
24.08.2016 - 10:50:02
ЖАҢАРТЫЛҒАНЫ: 
31.01.2017 - 17:59:10